Get Nandalaalaa atom feed here!

Wednesday, April 20, 2005

புதிய பாப்பரசர் - தொடரும் ஏமாற்றம்!

265வது பாப்பரசராக, 78 வயதான ஜோஸப் ரட்சிங்கர் தேர்ந்தெடுக்கப்பட்டுள்ளார்.
புதிய பாப்பரசரை தெரிவு செய்ய கூடிய 117 கர்தினல்களுள், ஜெர்மானியரான இவரே மூத்தவர். மற்ற அனைவரும் மறைந்த பாப் இரண்டாம் ஜான் பால் அவர்களால் நியமிக்கப்பட்டவர்கள். மறைந்த இரண்டாம் ஜான் பால் அவர்கள் கர்தினலாக இருந்த காலத்திலேயே இவரும் கர்தினாலாக இருந்தவர்.

இவர் மறைந்த பாப் ஜான் பாலுக்கு நெருக்கமானவர். அவரின் பல்வேறு பழமைவாத முடிவுகளுக்கு பின்னணியில் இருந்தவர் என்பதும் குறிப்பிடத்தக்கது. மாற்றங்கள் குறித்து எவ்விதமான சமாதானத்திற்கும் இடங்கொடுக்காமல் எதிர்த்து வந்தவர். கத்தோலிக்க திருச்சபைக்குள் மாற்றத்தை எதிர்ப்பவர்களுள் முதன்மையானவர்.
பழமையை போற்றுபவராகவும், கட்டிக்காப்பவராகவும் அறியப்படுபவர்.

இவர் கடுமையாக எதிர்ப்பவைகள்:

1.கன்னியாஸ்திரிகளுக்கு குருமார் அந்தஸ்து.
2.பாதிரியார்களை திருமண பந்தந்திற்கு அணுமதிப்பது.
3.மீளமுடியாத கடும் நோயுற்றோரை இறக்க அனுமதிப்பது. (கருணை கொலை)
4.கருத்தடை.
5.கருக்கலைப்பு.
6.ஓரினச் சேர்க்கை.
7.திருமண பந்தமின்றி ஆணும் பெண்ணும் இணைந்து வாழ்தல்.
8.ராக் இசை.
9.க்ளோனிங்.
10.உறுப்பு மாற்று அறுவை சிகிச்சை.

இந்த முறை கத்தோலிக்கர்கள் அதிகம் வாழும் தென் அமெரிக்கா அல்லது ஆப்ரிக்க, ஆசிய நாட்டவர் பாப்பரசராக ஆக தேர்ந்தெடுக்க படுவார் என்ற எதிர்பார்ப்பு இருந்து வந்தது. அது பொய்யாக்கப்பட்டு மீண்டும் ஒரு ஐரோப்பியர் ஒருவரே வாடிகன் தலைமையை ஏற்கிறார்.

பல்வேறு மாற்றங்களுக்கான கோரிக்கைகள் கத்தோலிக்கர்களால் எழுப்பப்பட்டு வரும் இவ்வேலையில், ஒரு பழமைவாதியை பாப் ஆக தெரிவு செய்ததிலிருந்து, எவ்வித மாற்றங்களுக்கும் திருச்சபை தயாரில்லை என்பது உணர்த்தப்பட்டுள்ளது. இது அவர்களுக்கு ஏமாற்றமே என்ற போதும், பழமைவாதிகளுடன் சமாதானம் ஏற்பட்டுள்ளதாகவே கூறப்பட்டுகிறது.

இப்போதைய கால கட்டத்தில் கத்தோலிக்க திருச்சபையை எவ்வித மாற்றமும் இன்றி வழி நடத்தி செல்லக்கூடிய ஒருவர் தேவை என்பதால், 78 வயதான இவர் தெரிந்த்டுக்கப்பட்டுள்ளார். மிக அதிகமாக ஓர் 10 ஆண்டுகள் வரை பதவி வகிக்கும் சாத்தியக்கூறுகள் மட்டுமே (வயது காரணமாக) இருக்குமென்பதால், மாற்றங்களை பற்றி இவர் காலத்துக்கு பின்னர் பார்த்துக்கொள்ளலாம் என்ற சமாதானம் பழமைவாதிகளுக்கும், மாற்றம் வேன்டுவோருக்கும் இடையே ஏற்பட்டுள்ளதாக தெரிகிறது.

இவரது தேர்வுக்கு பிற்போக்கு கிருத்துவரான அமெரிக்க அதிபரின் ஆதரவும் இருந்ததாக தெரிகிறது. கிருத்துவ நாடுகளுக்கும், இஸ்லாமிய நாட்டு மக்களுக்கும் இடையே ஓர் சரியான புரிந்துணர்வு தேவைப்படும் இக்கால கட்டத்தில், ஒரு பழமைவாதி வாதிகனுக்கு தலைமை ஏற்பது எத்தகைய பின் விளைவுகளை ஏற்படுத்தும் எனபது போகப்போக தெரியும்.

14 Comments:

At Wed Apr 20, 01:35:00 PM 2005, Blogger Moorthi said...

//1.கன்னியாஸ்திரிகளுக்கு குருமார் அந்தஸ்து.===தவறில்லைங்க.. ஆனா 45 வயசுக்கு மேல உள்ளவங்களுக்கு குடுக்கலாமுங்க.


2.பாதிரியார்களை திருமண பந்தந்திற்கு அணுமதிப்பது.===கண்டிப்பா எதுக்கனுமுங்க...


3.மீளமுடியாத கடும் நோயுற்றோரை இறக்க அனுமதிப்பது. (கருணை கொலை)===கண்டிப்பா அனுமதிக்கனுமுங்க.. அவங்க கஷ்டப்படுறத நாம காண சகிக்காதுங்க. பாவம் இப்பகூட அந்த அமெரிக்கா பொன்னு எவ்ளோ வேதனைப் பட்டுச்சு?


4.கருத்தடை==இது அவுகவுக சொந்த முடிவுங்க.. ஒன்னுக்கு மேல பெத்தா ஆரு சோறு போடுறது.. வெரலுக்கு தக்கனதாங்க வீக்கம் வேனும்.

5.கருக்கலைப்பு.==.===இஸ்கோலுக்கு போற பொன்ன புடிச்சு வாய பொத்தி
கெடுத்துப்புடுறானுவோ பாவிப்பசங்க. அந்த பிஞ்சுக்கே தெரியாம கருவாச்சி.. இந்தமேரி சமயங்களில் கலைக்கலாமுங்க.. ஆனா உடம்புத் திமிரால் வாங்கி வந்து நிக்கும் பெண்கள் கலைக்க முடியாம சட்டம் வரனுங்க..

6.ஓரினச் சேர்க்கை.== தப்பு தப்பு ரொம்ப தப்புங்க.. இழுத்து வெச்சி ஒரே வெட்டா வெட்டி பொலி போடனுங்க..


7.திருமண பந்தமின்றி ஆணும் பெண்ணும் இணைந்து வாழ்தல்.===எனக்கு கன்ணாலம் வேனாமுன்னு சொல்லிட்டு அததுங்க வயச ஒத்த புள்ளயளோட சேந்து வாழுறதுல தப்பு இல்லீங்கய்யா.. ஆனா ஓரினப் புணர்ச்சி இல்லன்னா ஒத்துக்கலாமுங்க.


8.ராக் இசை.== இசையில் பல ரகம் உண்டுங்க.. மெலிதான இசை கேட்டு பயிரே நல்லா வளருதாங்க. எங்க ஊருகாட்டு பக்கம் அக்கிரி படிச்ச பெரிய மனுசங்க சொன்னாங்க.. ராக்கோ.. பாப்போ... காதைக் கிழிக்காம மெல்லிசா எசைன்னா சரிதானுங்க.. எசை கேட்டா மண்டையும் கொஞ்சம் ப்ரீயாவுதாமே..



9.க்ளோனிங்.== ஆம்முங்க.. விஞ்ஞான வளர்ச்சிங்க இது. ஆடு இருக்கு குளோனிங்கு பன்னலாம். 50லிட்டர் கறந்த மாடு செத்து போச்சி.. பன்னலாங்க.. நாளைக்கே பெரிய மனுசன் ஆரும் செத்து பூட்டான்னு வெச்சிக்கங்க.. அவனையும் குளோனு எடுக்கனும்னு சொல்லுவாங்கெ.. சரிப்பாடுங்களா.. மரண விகிதம் கம்மியாச்சுன்னா பூமி தாங்குங்களா? மெட்ராஸ்ல அரசுப் பேருந்துல காலைல 8எட்டு மணிக்கு ஏறிப்பாருங்க..


10.உறுப்பு மாற்று அறுவை சிகிச்சை.== இதுல என்னாங்க தப்பு... எங்கிட்ட ரெண்டு கிட்னி இருக்கு.. இல்லாத ஒருத்தருக்கு ஒன்னு குடுக்குறதில தப்பு இல்லீங்க ஐய்யா.. ஒரு கன்னத்துல அறைஞ்சா மறு கண்ணத்தயும் காட்டச் சொன்னது எங்க சாமிங்க.. எப்படிங்க குடுக்காம இருக்க முடியும்.. கண்ணு, உடலு அல்லாத்தையும் எழுதி வெச்சிட்டு சாவனுங்க.. அது ஆருக்கும் பயன்படனுங்க.. பயன்படுத்துற புள்ளிய சந்தோசமா நம்மளை நெனைச்சுக்குமுங்க..


புதிதாக வந்த பாப்பரசருக்கு வாழ்த்துங்க.. அதுசரி புஷ்ச ஏனுங்க பிற்போக்குன்னு சொன்னீங்க.. ஏதும் வயித்துக்கோளாறாங்க அவருக்கு?

 
At Wed Apr 20, 02:28:00 PM 2005, Blogger ~Nandalala~ said...

This comment has been removed by a blog administrator.

 
At Wed Apr 20, 02:46:00 PM 2005, Blogger ~Nandalala~ said...

மூர்த்தி,
புதிய பாப்பரசர் எதிர்ப்பவை குறித்த உங்கள் கருத்துக்கு நன்றி, நான் வேறுபட்டபோதும்.

//அதுசரி புஷ்ச ஏனுங்க பிற்போக்குன்னு சொன்னீங்க.. ஏதும் வயித்துக்கோளாறாங்க அவருக்கு?//

இது நானாக கண்டுபிடித்து சொன்ன ஒன்றல்ல. ஆகவே என் மீது கோபம் வேண்டாம்.

புஷ்சை பிற்போக்குவாதி என்றதில் அவருக்கே கோபம் வர வாய்ப்பில்லை. ஏனெனில் புஷ்சே பல சந்தர்ப்பங்களில் அவரின் மத அடிப்படைவாத கருத்துக்களை வெளிப்படுத்தியுள்ளார்.

அந்த வகையிலேயே நான் எழுதினேன்.
அன்புடன்,
நந்தலாலா.

 
At Wed Apr 20, 03:43:00 PM 2005, Blogger வசந்தன்(Vasanthan) said...

நன்றி மூர்த்தி!
உங்கள் பொன்னான கருத்துக்களைக் கொட்டியதற்கு.
ஒரேயொரு சந்தேகம் தான்.
அந்த 45 வயதுக்கு மேல் என்று சொல்வதின் காரணமென்னவோ?
அவர்கள் கூறும் அதே மாதவிடாயைத்தான் நீங்களும் கருதுகிறீர்களோ?
பதில் கட்டாயம் சொல்லவேண்டுமென்றில்லை. சும்மா அறிந்துகொள்ளும் அவல்தான்.

 
At Wed Apr 20, 03:43:00 PM 2005, Blogger வசந்தன்(Vasanthan) said...

அறிந்துகொள்ளும் ஆவல்தான்.

 
At Wed Apr 20, 07:50:00 PM 2005, Blogger புதியவன் said...

இவ்விஷயத்தில் எல்லா மதங்களும் ஒன்றுதான்.

 
At Wed Apr 20, 09:24:00 PM 2005, Blogger ஒரு பொடிச்சி said...

6.ஓரினச் சேர்க்கை.== தப்பு தப்பு ரொம்ப தப்புங்க.. இழுத்து வெச்சி ஒரே வெட்டா வெட்டி பொலி போடனுங்க..

நன்றி நந்தலாலா..
மூர்த்தி,

4.கருத்தடை==இது அவுகவுக சொந்த முடிவுங்க.. ஒன்னுக்கு மேல பெத்தா ஆரு சோறு போடுறது.. வெரலுக்கு தக்கனதாங்க வீக்கம் வேனும்.

இது அவுகவுக சொந்த முடிவுவென்றால்

"உடம்புத் திமிரால் வாங்கி வந்து நிப்பதும்"

"ஓரினச் சேர்க்கை"யும்
அவரவரர் உரிமைதானே?
அதிலும் -சிலர் தவிர- ஓரினச்சேர்க்கையாளராய் இயல்பிலேயே இரக்கிறபோது.. இப்படிச் சொல்லுவது எவ்வளவு மனிதமற்று இருக்கிறது தெரியுமா?
உடன்பாடு இல்லாமலிருப்பது வேறு, அதை -கேள்வியேதும் அற்று- கேலிக்குட்படுத்துவது சரியில்ல.

 
At Wed Apr 20, 09:40:00 PM 2005, Blogger வசந்தன்(Vasanthan) said...

மூர்த்தி!
மீண்டும் வாசித்தபோது உங்களைவிட பாப்பரசரே மேல் போலத் தெரிகிறது.
சிலவேளை கணக்காக 10 வரவேண்டுமென்பதற்காக எழுதினீர்களா?
பொடிச்சியின் கேள்விகள்தான் எனக்கும்.
அவற்றை அனுமதித்த நாடுகளைப் பற்றி உங்கள் கருத்தென்ன?

 
At Thu Apr 21, 07:00:00 AM 2005, Blogger ~Nandalala~ said...

//ஓரினச் சேர்க்கை.== தப்பு தப்பு ரொம்ப தப்புங்க.. இழுத்து வெச்சி ஒரே வெட்டா வெட்டி பொலி போடனுங்க..

நன்றி நந்தலாலா..//

பொடிச்சி,
இதை சொன்னது நான் அல்ல.
மூர்த்தி அவரின் கருத்தாகவே சொல்லியுள்ளார்.
நன்றி,
நந்தலாலா

 
At Thu Apr 21, 08:22:00 AM 2005, Blogger Moorthi said...

கருத்தடை என்று நான் சொன்னது திருமணம் ஆனவர்களுக்கு மட்டுமே. இளம்வயதில் உடம்பு திணவெடுத்து வயிற்றில் வாங்கிக் கொண்டு வந்து நின்று கருத்தடைக்கு அனுமதி கேட்பவர்களுக்காக நான் எழுதியது அல்ல.

ஓரினச் சேர்க்கை கட்டாயம் தவிர்க்கப்பட வேண்டிய ஒன்று. இஉத்து வைத்து வெட்டப்பட வேண்டிய ஒன்று.

இது என் சொந்தக் கருத்தே தவிர இன, மத, நாடு சார்பாக எழுதப்பட்டது அல்ல.

புஷ் பிற்போக்குவாதி என்பதை கிண்டலுக்குக்காகத்தான் எழுதினேன். உண்மையிலேயே அவர் மதத்தின்பால் தீவிர பற்றுகொண்ட மிகப்பழமையான தீவிரவாதி எனலாம்!

45வயது என்பதை அந்த உடல் உபாதைகளை முன்வைத்தே சொன்னேன். சிலர் அதனை ஏற்றுக் கொண்டாலும் இன்னமும் பலர் அதனை ஒரு குறையாகச் சொல்வதால் மட்டுமே!

ஒரு பொடிச்சி.. ஓரினச் சேர்க்கை அவரவர் உரிமைதான். எப்படியும் உடல் தினவை அடக்கலாம். ஓரினம் என்று மட்டுமில்லை. சுயமாகவும் அடக்கிக் கொள்ளலாம். ஆணுக்குப் பெண்ணையும் பெண்ணுக்கு ஆணையும் படைத்து புகுந்து விளையாடு என ஆண்டவனே சொன்னபோதும் என் போன்ற இனத்தில்தான் விளையாடுவோம் என்று இன்னும் பலர் நினைப்பது வேதனையானது. கேலிக்குரியது. பெரும்பாலான நோய்கள் ஓரினச் சேர்க்கையின்மூலம்தான் உருவாகிறதாம்!!!

பண்டைய காலங்களில்(இப்போதுமா எனத் தெரியவில்லை) ஆடு, நாய், மாடு என்று விலங்கினங்கள்கூட வெல்லாம் உறவு கொண்டு மகிழ்ந்த மனிதன் தம்மினத்தின் ஒரேமாதிரியான படைப்பின்மீது கைவைக்க முனைந்திருப்பது நாகரீகத்தின் உச்சம் எனலாமா?

 
At Thu Apr 21, 09:59:00 AM 2005, Anonymous வசந்தன் said...

//ஆணுக்குப் பெண்ணையும் பெண்ணுக்கு ஆணையும் படைத்து புகுந்து விளையாடு என ஆண்டவனே சொன்னபோதும்//

மூர்த்தி!
மத அடிப்படை வாதத்தின் வேரில் நின்றுகொண்டு கருத்துச் சொல்கிறீர்கள். ஏற்றுக்கொள்ள கடினமாயிருந்தாலும் சொல்கிறேன், பாப்பரசருக்கும், ஜோரஜ் புஸ்ஸின் மத அடிப்படை வாதத்துக்கும் (பரணாமக் கொள்கை பற்றிய அமெரிக்க நிலைப்பாடு) உங்களுக்கும் என்னால் பெரிதாக வித்தயாசம் காணமுடியவில்லை. அதே கடவுள் கோட்படுகளை வைத்துத்தான் அவர்கள் மற்றவை பற்றியும் கருத்துச் சொல்கிறார்கள் (கருணைக்கொலை உட்பட).

மாதவிடாயைச் சம்பந்தப்படுத்தி பெண்குருத்துவத்தை நோக்கும்போதே நீங்கள் அவர்களுக்கு மிகவும் நெருங்கி வந்துவிட்டீர்கள்.

 
At Fri Apr 22, 08:51:00 AM 2005, Blogger Moorthi said...

//மத அடிப்படை வாதத்தின் வேரில் நின்றுகொண்டு கருத்துச் சொல்கிறீர்கள். ஏற்றுக்கொள்ள கடினமாயிருந்தாலும் சொல்கிறேன், பாப்பரசருக்கும், ஜோரஜ் புஸ்ஸின் மத அடிப்படை வாதத்துக்கும் (பரணாமக் கொள்கை பற்றிய அமெரிக்க நிலைப்பாடு) உங்களுக்கும் என்னால் பெரிதாக வித்தயாசம் காணமுடியவில்லை.//

இல்லை.. புஷ் அவர்களுக்கு மதம் வேண்டும். மதத்திற்காக எதையும் செய்வார். தன் மதம் என்பதற்காக மட்டுமே வலியச் சென்று இஸ்ரேலுக்கு உதவுவார். நான் அப்படி எல்லாம் இல்லை.. எனக்கு எம்மதமும் சம்மதம். இதனை நான் பல இடங்களிலும் வலியுறுத்தி வந்திருக்கிறேன். கோயிலிலும் மசூதியிலும் சர்ச்சிலும் எனக்குத் தெரியும் இறைவன் ஒருவனே!

//அதே கடவுள் கோட்படுகளை வைத்துத்தான் அவர்கள் மற்றவை பற்றியும் கருத்துச் சொல்கிறார்கள் (கருணைக்கொலை உட்பட).//

அந்த அமெரிக்கப் பெண்ணின் கணவன் அவளைக் கருணைக் கொலை செய்துவிட்டு வேறொருவரை மணக்கவோ அல்லது அப்பெண்ணின் சொத்தினை கையகப்படுத்தவோ நினைக்கவில்லை. மாறாக தன் உடலின் பாதியாம் கொண்டவள் படும் வேதனையைச் சகிக்கமுடியாமல் கொல்லச் சொன்னான்.. கடைசியாக வேறு வழியின்றி! எத்தனை வருடம் அவன் அந்த கொடுமையை கண்கூடாகப் பார்த்தான் என்பதை படித்துப் பாருங்கள். அம்மாதிரியான இடங்களில்தான் நான் கருணைக் கொலையை ஆதரிக்கிறேன். சின்னவீடு செட்டப் பன்னி வெச்சிகிட்டு பெரிய வூட்டை போட்டுத் தள்ளுவதை கருணைக் கொலை என்று நான் சொல்லவில்லை!

//மாதவிடாயைச் சம்பந்தப்படுத்தி பெண்குருத்துவத்தை நோக்கும்போதே நீங்கள் அவர்களுக்கு மிகவும் நெருங்கி வந்துவிட்டீர்கள்.//

வீட்டுக்குத் தூரமா.. தொடச்சி குப்பையில் போட்டுவிட்டு பள்ளிக்கும் கல்லூரிக்கும் அலுவலகத்துக்கும் செல்கின்றனர் பெண்கள். உங்களுக்குத் தெரியுமா.. இன்னமும்கூட வீட்டுக்குத்தூரமான பெண்களை வீட்டுத்திண்ணையில் தனிப்பாய் விரித்து 3நாட்கள் படுக்க வைக்கின்றனர் கிராமங்களில்! பிராமண சமுதாயத்திலோ 5 நாட்கள்! இன்றளவும் காண்கிறேன்.

கொஞ்ச நாளைக்கு முன் பெண்கள் அர்ச்சகராவதைத் தடுக்கும் பலரின் பதிலுக்கு அவர்களும் இந்த வீட்டுத்தூரம் பிரச்னையைத்தான் சொன்னார்கள். அங்கே அந்த இடத்திலே நான் பெண்கள் கண்டிப்பாக அர்ச்சகர் ஆகலாம் என்றுதான் சொன்னேன். வீட்டுத்தூரத்தைக் காரணம் காட்டக்கூடாது என்றுதான் சொன்னேன்.

இங்கும் அவர்களை மத குருமார்களாக ஆக்கும் எண்ணத்தில் எனக்கு முழு ஒப்புதல் உண்டு. தற்போதைய போப் பழமை விரும்பி. பழைய கலாச்சாரங்களை விடாமல் போற்றுவார். மேலும் வத்திகனின் பழம்பெருமை கருதியும் அதனைச் சொன்னேன். இன்னமும் பழமை விரும்பிகள் இருக்கிறார்கள் என்பதை கருத்தில் கொள்க. போகப்போக காலம் மாறலாம். இளைய தலைமுறைகளின் காலத்தில் மாற்றம் நிச்சயம் வரும். முற்போக்குவாதிகளுக்கே புதிய பாப்பரசர் சவாலாகத் தோன்றலாம் தற்போதைக்கு. நான் கூறியதற்கு இன்னொரு காரணம் உண்டு. பொதுவாக பெண்கள் குருமார் அந்தஸ்துக்கு வர எடுத்துக்கொள்ளும் அவர்களின் வயது. முதலில் கன்னியாஸ்திரியாகச் சேவை.. அதில் அவர்களின் மனத்தெளிவு. இறைச்சேவை. அதன் பின்னர் படிப்படியாக குருமார் அந்தஸ்து. எனவே அந்த 45 வயது குத்துமதிப்பாக ஏற்புடையதாக இருக்கும் எனக் கருதினேன். அவர்களின் மனமுதிர்ச்சிக்கும் ஏற்ற வயதாக இருக்கலாம்.

 
At Fri Apr 22, 10:51:00 AM 2005, Anonymous வசந்தன் said...

பதிலுக்கும் தெளிவுக்கும் நன்றி மூர்த்தி!
ஆனால் பெண் குருத்துவம் ஆண்களுக்கான அதே வயதில் கொடுக்கப்பட வேண்டும். இரு பாலாருக்கும் ஒரே கல்வி, ஒரே சேவை. பிறகேன் அவர்கள் மட்டும் படிப்படியாக வளர வேண்டும். ஆணொருவன் சரியாகப் படித்தால், செயற்பட்டால் 7 வருடத்தில் குருவானவர். அதேதான் பெண்களுக்கும் கொடுக்கப்பட வேண்டும். கன்னியாஸ்திரி சேவை, இறை சேவையெல்லாம் குருவாக திருநிலைப்படுத்தப்பட்ட பின்னரும் செய்வதுதானே? ஆண்களுக்கு மட்டும் இவையெல்லாம் தேவையில்லையென்றால் எப்படி?
25 வயதில் ஆண் குருவானவராகலாமென்றால் அதே வயதுதான் பெண்ணுக்குமிருக்க வேண்டும். மனமுதிர்சியும் ஆண்களை விட பெண்களுக்கு அதிகமிருக்கும்போல் தோன்றுகிறது.

ஆனால் ஒன்று, படிப்படியான மாற்றங்கள்தான் நிகழும். இறந்த பாப்பரசர் திருச்சபையின் கடந்தகால தவறுகளுக்கு பகிரங்க மன்னிப்புக் கேட்டதுகூட படிப்படியான மாற்றத்தின் பலனே. (துருக்கியில் கேட்டது மிகமுக்கியமானது) அதுபோல்தான் இந்த மாற்றங்களும் நடக்கும். முதலில் பெண்களுக்கே இதுபற்றித் தெளிவில்லாமலிருப்பது கவலைதான். மாலனின் பதிவிலும் இரு இடங்களில் இதுபற்றி எழுதியுள்ளேன்.

 
At Sat Apr 23, 02:54:00 AM 2005, Anonymous NONO said...

இது எல்லாம் 2005 ம் ஆண்டில் கதைக்கிற கதையா.... ஆண்டவா உன் பெயரில் இவ்வளவு மூடர்களா...?

 

Post a Comment

<< Home